மறைக்கப்பட்ட பறையர் வரலாறு

மறைக்கப்பட்ட பறையர் வரலாறு- ஜெ.மு.இமயவர்மன் 

அண்ணன் காடுவெட்டி குரு காஞ்சிபுரம் கூட்டத்தில் வைத்து சொன்னார் ""பறையனிடம் மோளம் தான் இருக்கும்னு"" எனக்கு காடு வெட்டி குரு மேல் கடும் கோபம் வந்தது அண்ணன் குரு பேசிய பேச்சில், பறையன்னா கீழ் சாதியா? ? தீண்டத்தகாதவனா? ? எப்போது சமூகம் என்னை தீண்டத்தகாதவன் என்றது என்று கடும் குழப்பத்தில் இருந்தேன்.  இந்நிலையில் என்னை சேலம் போலீசார் ஒரு வெடிகுண்டு வழக்கில் பொய்யாய் குற்றவாளியாய் சேர்த்தனர்.  அதற்காக முன் ஜாமீன் வாங்க நான் சென்னை உயர் நீதிமன்றம் சென்ற போது என் சாதியை சேர்ந்த சென்னை வழக்கறிஞர்கள் எனக்காக கடும் சிரத்தை எடுத்தனர்,நான் அவர்கள் சாதி என்ற ஒற்றை காரணத்திற்காக .அதனால் என் மணதில் கடும் நெருடல் ஏற்பட்டது,எந்த சாதிக்காக அந்த வழக்கறிஞர்கள் எனக்காக உழைத்தார்களோ அந்த என் சாதிக்கு ஏதாவது செய்ய வேண்டும் என்று. இந்த சூழலில் ஒரு நாள் நள்ளிரவு 11.30 மணிக்கு நானும் என் மனைவி பொன்னியும் பொன்னியின் செல்வன் நாவல் பற்றி பேசிக்கொண்டிருந்தோம், அப்போது பொன்னி தான் சொன்னார் இராஜ இராஜ சோழனின் அண்ணன் ஆதித்ய கரிகாலனை பாண்டியர்களுக்காக கொன்றது ""சோமன் சாம்பான் என்று "" அப்போது நான் திடுக்கிட்டேன். சாம்பவர் சோழர் ஆயிற்றே அவர்கள் எப்படி ஆதித்ய கரிகாலனை கொல்ல முடியும் .எனில் பறையர் பாண்டியரா ?? என்று  ...அதன் பின் வரலாற்றை தேடிப்புறப்பட்டேன். ஒரு வருடம் கடும் முயற்சி. காடு ,மேடாய் சுற்றி திரிந்தேன் .கல்வெட்டு ,கல்வெட்டாய் தேடிப்படித்தேன் .செப்படுகள் ,ஒலைச்சுவடுகள் ,புத்தகங்கள் இப்படி ஒன்றும் விடாமல் படித்தறிந்தேன் .எனது தேடலில் பொக்கிசமே கிடைத்தது .இதற்கு காரணமான என் மனைவி பொன்னியை கை எடுத்து கும்பிட்டேன்.""பறையன் தான் ஆதி தமிழ்  சாதி என்பதை குறித்து  பல்வேறு ஆதாரங்கள் கிடைத்தன.பறையரின் ஆண்மை, வீரம், பண்பாடு குறித்த   ஆதாரங்கள் குவியல் குவியலாய் கிடைத்தது.வடதமிழ்நாட்டை அரசாண்ட பறையர், பறையர் வெளியிட்ட நாணயம், கொங்கு மண்டாலத்தை கோலோச்சிய பறையர், தென் தமிழ் நாட்டின் வீர சாம்பவ பறையர் பற்றி எல்லாம் அங்கொன்றுமாய், இங்கொன்றுமாய் சிதறி கிடந்த வரலாற்றை தேடி பிடித்தேன்.  விவசாயம் செய்த உழவு பறையர்,வீரமாய் வாழ்ந்த சாம்பவ பறையர், உலகிற்கே அறிவை போதித்த வள்ளுவ பறையர்,விஞ்சாணத்தை ஆதியில், தமிழ் சாதியில் கணித்த கணிய பறையர், நெசவு செய்த கோலிய பறையர், கோட்டை காட்டி வாழ்ந்த கோட்டை பறையர், இப்படி 108 வேலை செய்த பறையறை தேடி  பிடித்தேன்  அதை எல்லாம் தொகுத்து "பறையரின் மறைக்கப்பட்ட வரலாறு " என்ற புத்தகம் பதித்தேன் .இந்த புத்தகத்திற்கு ""ஈழ விடுதலைக்காய்  வாழும் ஐயா காசி ஆனந்தன் "" ஐயா அவர்களிடம் மதிப்புரை பெற்றேன்.மும்பையில் அகில பாரத பறையர் சாம்ராஜ்யம் ஏற்பாடில்அயோத்தி தாச பண்டியர் - தாத்தா இரட்டை மலை சீனிவாசன் அவர்களின் பேத்தி ரேவதி பறையர்  கையால்  வெளியிட்டேன்.என் சாதியிடம் மோளம் மட்டும் தான் இருக்கும் என்று சொன்ன  அண்ணன்  காடுவெட்டி குருவின் போக்கில் மாற்றம் கொண்டு வர காடுவெட்டி குருவிடம் இந்த புத்தகத்தை கொடுத்து இதோ பறையன் வாழ்ந்து, வளர்ந்த வரலாறு "" முந்தி பிறந்தவன் நான்,முதல் நூல் தரித்தவன் நான்  ""என்றும் ,புற நானூற்றிலே "" பாணன்,பறையன் ,துடியன் ,கடம்பன்,இந்நாண்கல்லது குடியல்ல "" என்று போற்றி புகழ பட்ட என் பறையர் வரலாற்றை அண்ணன் காடுவெட்டி குருவிடம் தர ஆசைப்பட்டேன்.   குரு காலமானதால் என் புத்தகம் முற்றுபெறவில்லை "" என்ற வேதனை ஒரு புறம் இருந்தாலும் --- ஆய்வின் அடிப்படையில் நான் கண்டு கொண்டது. "",பறையன் தான் ஆதி தமிழ் முதல் சாதி, ஆண்ட சாதி "'--- சேனாதிபதி ஜெ.மு.இமயவரம்பன். இந்த பதிவின் பின்னூட்டத்தில் என் அருமை எதிரி PMK சேலம் அருள் ,காடு வெட்டி குரு அவர்களிடம் நமது வரலாறு கொண்டு சேர்க்கப்பட்டதாக சொல்கிறார். என் வாழ்வில் நான் அடைந்த மிகப்பெரிய வெற்றியாக இதை கருதுகிறேன். நன்றி அதே போல் பறையர், தேவர், நாடார் ,கவுண்டர், படையாச்சி, நாயக்கர் சாதி பெயரா? ??? இல்லை.                                       தேவர் என்கிற ஒரு இனமோ, சாதியோ ஆதியில் இல்லை .ஆம் இருபதாம் நூற்றாண்டில் தான் பசும்பொன் முத்துராமலிங்க தேவரின் முன் முயற்சியால்  கள்ளர், மறவர், அகமுடையார் என அழைக்கப்பட்ட முக்குலத்தோர் ஒன்றினைக்கப்பட்டு  அவர்களுக்கு ஏற்கனவே தமிழ் அகராதியில் உயர்வான பொருள் கொடுத்த தேவர் என்ற பெயரை முத்துராமலிங்க தேவர் சூட்டினார். அதே போல் நாடார் என்ற பெயரும் ஆதியில் கிடையாது சாணார் என அழைக்கப்பட்டவரே 19 ம் நூற்றாண்டில் தங்களுக்கு நாடார் என்ற பெயரை சூட்டி கொண்டனர். அதே போல் கவுண்டர் என்பதும் சாதி அல்ல. ஆம் கொங்கு மண்டலம் என சொல்லப்படும் சேலம், ஈரோடு, நாமக்கல்,திருப்பூர், கோவை பகுதிகளில் உள்ள வேளான்மை செய்யும் விவசாயிகள் தங்களுக்குள் கொங்கு மண்டல வேளாளர் என ஆரம்பத்தில் அழைத்து பின் தங்களுக்கு கவுண்டர் என்ற அர்த்தம் இல்லாத அடைமொழி சேர்த்தனர்.அதே போல் படையாச்சி என்பதும் சாதியல்ல. சாம்பவராயர் என்கிற பறையரின அரசர்களின் படைப்பிரிவின் தளபதிகளும் வீரர்களும் தங்களுக்கு சூட்டிக்கொண்ட பெயரே படையாச்சிகள் இதை பார்த்த தொண்டை மண்டலம் எனச்சொல்லப்பட்ட திருவள்ளூர், காஞ்சிபுரம்,வேலூர், திருவண்ணாமலை, விழுப்புரம், சேலம் போன்ற பகுதிகளில் வாழ்ந்த விவசாயிகளும் தங்களை படையாச்சிகள், கவுண்டர்கள், நாயக்கர் என அழைத்து கொண்டனர். அதே போல் நாயக்கர் என்பது சாதியா என்றால்? அதுவும் கிடையாது. விஜய நகர பேரரசின் படையெடுப்பு காலமான 13 ம் நூற்றாண்டில் விஜய நகர பேரரசை அண்டி பிழைத்தவர்கள் தங்களுக்கு வைத்து கொண்ட பெயர் நாயக்கர்கள் இவர்கள் வேறு நாயுடு வேறு.அதே போல் பறையர் சாதியா?  என்றால் கிடையாது இது ஒரு பேரினம். புற நாணூற்றிலே"" துடியன், பாணன், பறையன் ,கடம்பன் என்று இந்நான்கல்லது குடியில்லை" என்று பாடப்பட்ட ஒரு பேரினம். இவர்களில் பல தொழில் வல்லுநர் உண்டு .இவர்களில் பாடம் கற்பித்த ஆசிரியர்கள்  கணியன் என்றும்  வள்ளுவன் என்றும்,உண்ண உணவை தயாரித்த விவசாயிகள் சாம்பவ குல வேளாளர் என்றும், உடுக்க உடை கொடுத்த நெசவுப்பறையர் ,சாலியப்பறையர் என்றும் நீரை உருவாக்க கிணறு தோன்டிய தோண்டி பறையர், தோட்டி பறையராகவும்,மோளமடித்த முரசுபறையரும்,கோட்டை கட்டி வாழ்ந்த கோட்டை பறையரும், யாருக்கும் வீரத்தில் சலைக்காத கிழக்கத்திய பறையர் உட்பட 108  குழுக்கள் உள்ளன. இந்த பறையர்  என சொல்லப்படும் பேரினமே புரிதலில்லாமல் இன்று சாதியாய் பார்க்கப்படுகிறது.இன்றைய 2017 ம் ஆண்டு தமிழகத்தில் மட்டும் சுமார் 1 கோடி பறையர்  உள்ளனர் .இது ஐநா சபையில் இடம் பெற்றுள்ள பல நாடுகளின் மக்கள் தொகையை விட அதிகமாகும்.

பூவனம்: மறைக்கப்பட்ட பறையர் வரலாறு (ஆய்வு நூல்) -சேனாதிபதி ஜெ.மு.இமயவரம்பன்

 by புதிய அகராதி

பட்டியல் இனத்தவரிலும் குறிப்பாக பறையர் சாதி தோன்றியதன் வரலாறு குறித்து ஏற்கனவே பல்வேறு ஆய்வு நூல்கள் வந்துவிட்டன. இப்போது சேலத்தைச் சேர்ந்த வழக்கறிஞர் சேனாதிபதி ஜெ.மு.இமயவரம்பன், ‘மறைக்கப்பட்ட பறையர் வரலாறு’ என்ற ஓர் ஆய்வு நூலை வெளியிட்டுள்ளார். வெளியீடு, கலகம் வெளியீட்டகம்.

ஈழத்துக் கவிஞர் காசி ஆனந்தன், பின் அட்டைக் குறிப்பு வழங்கி கூடுதல் வண்ணம் சேர்த்துள்ளார்.

இந்நூலை முழுவதும் வாசித்து முடிக்கையில், பறையர் என்ற இனமே இந்தியாவில் பேரினமாக இருந்திருக்க வேண்டும் என்று கருதத் தோன்றுகிறது. இசை பறையன், களத்து பறையன், கிழக்கத்தி பறையன், நெசவுக்கார பறையன், பரமலை பறையன், பஞ்சி பறையன், பறையாண்டி பறையன் உள்பட 100க்கும் மேற்பட்ட பெயர்களில் இந்த சமூகத்தினர் அழைக்கப்பட்டு வந்துள்ளதை அறிய முடிகிறது.

பறையர்கள் மீதான ஒடுக்குமுறை குறித்து பதிவு செய்யும்போது, அண்ணல் அம்பேத்கரை மேற்கோளாக பதிவு செய்துள்ளார். களப்பிரர் ஆட்சிக்காலம், இருண்ட காலம் என்பதே பொதுவில் சொல்லப்படுவது. ஆனால் அம்பேத்கரோ, கி.மு. 3 முதல் கி.மு.6ம் நூற்றாண்டு வரையிலான களப்பிரர் ஆட்சிக்காலத்தில், வர்ணமுறையற்றும், சாதி சமயம் பேதமின்றி இருந்ததாகவும் தகவலைச் சொல்கிறார்.

ஒரு காலத்தில் நாடார்களும், முக்குலத்தோர்களும் ஆதிக்க சாதியினரால் கடுமையான ஒடுக்குமுறைகளுக்கு ஆளாகியுள்ளனர். தொடர் போராட்டத்திற்குப் பின்னர், இவ்விரு சாதிகளின் அந்தஸ்து உயர்த்தப்பட்டதாகவும், ஆனால் பறையர் சமூகம் இன்னும் தீண்டாமைப் பிடியில் இருந்து மீளவே இல்லை என்ற கவலையையும் வாசகர்களுக்கு கடத்தி விடுகிறார், நூலாசிரியர்.

தமிழகத்தில் பட்டியல் சாதியினர் மீது 1948ம் ஆண்டு முதல் 2015ம் ஆண்டு வரை நடத்தப்பட்ட பல்வேறு தாக்குதல் சம்பவங்களையும் பார்வைக்குக் கொடுத்துள்ளார்.

கூலியை உயர்த்திக் கேட்டதற்காகவே 44 தலித்துகளை குடும்பத்தோடு தீ வைத்துக் கொளுத்தப்பட்ட கீழ் வெண்மணி சம்பவம் முதல் வாச்சாத்தி, தருமபுரி நத்தம் காலனி சூறையாடப்பட்டது வரை குறிப்பிட்டுள்ளார்.

துடியன், பாணன், பறையன், கடம்பன் ஆகிய குடிகளே சிறந்தது என்ற புறநானூறு பாடலும் பறையர் இனத்தின் தொன்மையை சான்று பகர்கிறது. அதற்காக புறநானூறு பாடல்களை அதிகமாகவே சான்றுக்காக கொடுத்திருப்பதால், வாசகர்களுக்கு சற்று அயற்சியை ஏற்படுத்தவும் வாய்ப்பு இருக்கிறது.

சேரர், சோழர், பாண்டியர்கள் மட்டுமின்றி கடையேழு வள்ளல்களும்கூட பறையர் இனத்தைச் சேர்ந்தவர்களே என்கிறார், நூலாசிரியர். குறிஞ்சி நிலம், பாறைகள் நிறைந்தது. பாறைகள் நிறைந்த பகுதியில் ஆட்சி செய்த மன்னர்களை ‘பாறையர்’ என்றும் அதுவே பின்னாளில் பறையர் என்றும் மருவியதாகச் சொல்கிறார்.

அந்தக் கணக்கின்படி அவர் சங்ககால மன்னர்கள் யாவருமே பறையர் என்ற பட்டியலுக்குள் சேர்த்துக் கொண்டதை சரியான தர்க்கமாகக் கொள்ள முடியுமா என்று தெரியவில்லை. அந்தளவில் இந்த ஆய்வு நூல் சற்று போதாமையுடன் இருக்கிறது.

மற்றோர் இடத்தில், சோழ மன்னர்களை ‘பரகேசரி’ என்றும் அழைப்பார்கள் (பக். 44) என்கிறார். பரகேசரி என்ற சொல் வாயிலாக சோழ அரசர்கள் பறையர் என்று நிறுவ முயற்சிக்கிறார். பரகேசரி என்ற சொல்லின் அர்த்தம் தெரியாமல் அவர் அப்படி கருதி இருக்கலாம் என்பது என் கருத்து.

ராஜகேசரி, பரகேசரி என்பது சோழ அரசர்களுக்கு வழங்கப்படும் பட்டப்பெயர்களே. ராஜகேசரி என்றால் ‘அரசர்களுக்கெல்லாம் சிங்கம்’ போன்றவன் என்பதும், பரகேசரி என்றால் ‘அயலக அரசர்களுக்கு சிங்கம் போன்றவன்’ என்ற பொருளில் அத்தகைய பட்டப் பெயர்கள் மொழியப்பட்டுள்ளன. ஆனால், அந்தச் சொல்லும் மருவி, பறையர் ஆனதாகச் சொல்வது ஏற்பதற்கில்லை.

பெரும்பாலும் மேற்கோள்களாகவே கடந்து செல்வதால், நூலாசிரியர் இன்னும் கொஞ்சம் கள ஆய்வை மேற்கொண்டிருக்கலாம். எனினும் பறையர் வரலாறு பற்றிய ஆரம்பக்கட்ட தகவல் திரட்டாக இந்நூலைக் கருதலாம்.

நூல்: மறைக்கப்பட்ட பறையர் வரலாறு
வெளியீடு: கலகம் வெளியீட்டகம்
பக்கம்: 190 விலை: ரூ.200.
தொடர்புக்கு: 9597654190.